Qyrǵyzstanda baqylaý beketiniń qyzmetkerleri júk kólikterin ótkizý úshin para alǵan
Qyrǵyzstannyń Shý oblysyndaǵy salmaq jáne gabarıttik baqylaý júrgizetin bes bekette júıeli sybaılas jemqorlyq deregi anyqtaldy. Bul týraly Kazinform agenttiginiń Bishkektegi menshikti tilshisi habarlady.
Qyrǵyzstan Ulttyq qaýipsizdik memlekettik komıtetiniń baspasóz ortalyǵynyń málimetinshe, salmaq jáne gabarıttik baqylaý (SGB) beketteriniń qyzmetkerleri belgilengen salmaq jáne gabarıttik normalardy buzǵan aýyr júk kólikterin kedergisiz ótkizý úshin júrgizýshilerden júıeli túrde aqsha bopsalap, para alyp otyrǵan.
Arnaıy is-sharalar nátıjesinde Shý oblysyndaǵy bes baqylaý beketiniń ınspektorlary ustaldy. Olar Qyrǵyzstan Ulttyq qaýipsizdik memlekettik komıtetiniń ýaqytsha ustaý ızolıatoryna qamaldy.
Bul sybaılas jemqorlyq shemasy belgilengen normalardy buzǵan aýyr júk kólikteriniń baqylaýsyz júrýine múmkindik berip, avtomobıl joldaryna jáne memlekettiń múddesine zııan keltirý qaýpin týdyrǵan.
Buǵan deıin Qyrǵyzstan prezıdenti Sadyr Japarov sybaılas jemqorlyqpen kúreste eshkimge aıaýshylyq bolmaıtynyn málimdegen edi.
Sondaı-aq Qyrǵyzstannyń sybaılas jemqorlyq pen uıymdasqan qylmysqa qarsy qalaı kúresip jatqany týraly jazǵanbyz.
