Qyrǵyzstanda BAQ týraly jańa zańǵa qol qoıyldy
ASTANA.KAZINFORM – Qyrǵyzstan prezıdenti Sadyr Japarov Qyrǵyz Respýblıkasynyń «Buqaralyq aqparat quraldary týraly» zańyna qol qoıdy, dep habarlaıdy Kazinform agenttiginiń tilshisi.
Qujatty 25 maýsymda Qyrǵyz Respýblıkasynyń Jogorký Keneshi qabyldady. Maqsaty – buqaralyq aqparat quraldary salasyndaǵy zańnamany jetildirý.
Zań mynalardy kózdeıdi:
– BAQ-ty tirkeý, qaıta tirkeý, qyzmetin toqtata turý jáne toqtatý tártibi, aqparatqa qoljetimdilik, onyń ishinde BAQ-ty tirkeý, qaıta tirkeý jáne tirkeýden bas tartý krıterııleri.
– BAQ ádilet organdary tirkeý týraly sheshim qabyldaǵan kúnnen bastap tirkelgen dep esepteledi jáne aqparat taratýǵa quqyly jáne onyń qyzmeti quryltaıshynyń sheshimimen nemese sot sheshimimen ǵana toqtatylýy múmkin;
– BAQ qyzmetin uıymdastyrý jáne jýrnalısterdiń kásibı qyzmetine qatysty basqa da erejeler;
– tsenzýraǵa qatań tyıym salý – laýazymdy tulǵalardyń buqaralyq aqparat quraldarynyń, onyń ishinde olardyń quryltaıshylarynyń jumysyna kez kelgen aralasýyn boldyrmaıtyn erejeler belgilengen;
– buqaralyq aqparat quraldarynyń aqparatqa qoljetimdiligin qamtamasyz etýdiń erekshe quqyqtyq rejımi, BAQ jaýapkershiligi jáne redaktsııa men jýrnalıster jaýapkershilikten bosatylatyn sharttar;
– Qarap jatqan iske baılanysty sottan tıisti ótinish túsken jaǵdaıdy qospaǵanda, buqaralyq aqparat quraldary aqparat kózin, onyń ishinde onyń aty-jónin jarııa etpeý shartymen aqparat bergen adamnyń jeke basyn qupııa saqtaýǵa quqyly;
– Qyrǵyz Respýblıkasynda buqaralyq aqparat quraldaryn qurý kezinde sheteldik jeke jáne zańdy tulǵalarǵa zańdy tulǵalardyń jarǵylyq kapıtalyndaǵy aktsııalardyń, qatysý úlesteriniń, úlesteriniń 35%-dan astamyn ıelenýge, paıdalanýǵa, bılik etýge jáne (nemese) basqarýǵa, sondaı-aq aqparat taratý jáne buqaralyq aqparat quraldarynyń redaktsııalyq saıasatynda etıkalyq normalardy saqtaýǵa mindetteme alýǵa tyıym salynady.
Buǵan deıin Qyrǵyzstanda qymbat alkogol, tátti sýsyndar men munaı ónimderine salynatyn aktsız salyǵyn kezeń-kezeńimen arttyrý josparlanyp otyrǵanyn jazǵan edik.