Qyrǵyzstanda baǵa men tarıf ósti
ASTANA.KAZINFORM - Elde tutyný baǵasy men tarıf osy jyldyń alǵashqy bes aıynda 2025 jyldyń jeltoqsanymen salystyrǵanda 4,8% ósti, dep habarlaıdy Kazinform agenttiginiń Bishkektegi tilshisi.
Qyrǵyzstan Respýblıkasynyń Ulttyq statıstıka komıtetiniń málimeti boıynsha, 2026 jyldyń qańtarynan mamyryna deıin azyq-túlik jáne alkogolsiz sýsyndardyń baǵasy 4,8%, alkogoldi ishimdikter men temeki ónimderiniń baǵasy 6,5%, azyq-túlik emes ónimderdiń baǵasy 2,8%, al halyqqa kórsetiletin qyzmet tarıfteri 7,1% ósti.
Osy kezeńde eldiń barlyq aımaǵynda baǵa men tarıfterdiń ósýi baıqaldy. Eń úlken ósim Osh oblysynda baıqaldy.Munda alkogoldi ishimdikter men temeki ónimderi baǵasy 15,1%, azyq-túlik emes ónimder 8,8% jáne halyqqa kórsetiletin qyzmet tarıfteri 17,1% ósken.
Buǵan deıin Qyrǵyzstan aǵash jáne aǵash materıaldaryn eksporttaýǵa salynǵan tyıym merzimin uzartqanyn habarlaǵan edik.
