Qyrǵyzstanda azamattar baspanasyn satýǵa ózderi tyıym sala alady
ASTANA. KAZINFORM — Jogorký Kenesh zańnamaǵa turǵyndar óz úıin basqa adamnyń atyna tirkeýge tyıym salatyn túzetýler engizý týraly zań jobasyn birinshi oqylymda qabyldady, dep habarlaıdy Kazinform agenttiginiń Bishkektegi menshikti tilshisi.
Zań jobasynyń ázirlegenderdiń aıtýynsha, qujat alaıaqtyq áreketterdiń aldyn alýǵa, atap aıtqanda, azamattardy, ásirese egde jastaǵy adamdardy úshinshi tulǵalardyń yqpalymen jyljymaıtyn múlkinen aıyrylyp qalýdan qorǵaýǵa baǵyttalǵan.
Túzetýlerge sáıkes, azamattar turǵyn úıge qatysty mámilelerdi iske asyrýǵa óz erkimen tyıym sala alady. Tyıymdy alyp tastaý úshin 72 saǵattyq merzim qajet. Bireýdiń arbaýyna túsip qalýy múmkin azamattardy qosymsha qorǵaý úshin osyndaı «es jııý kezeńi» qajet bolyp otyr.
Eske sala keteıik, Qyrǵyzstanda óz-ózine nesıe alýǵa tyıym salý týraly zań 2025 jyldyń 1 qarashasynda kúshine endi. Qazaqstanda qyzmettiń bul túri 2023 jyldan beri bar.
