Qyrǵyzstanda áıeldi óltirgender ómir boıyna sottalýy múmkin
ASTANA.KAZINFORM — Qyrǵyzstan femıtsıdti qylmystyq jaýapkershilikke tartýdy usynyp otyr, dep habarlaıdy Kazinform agenttiginiń Bishkektegi tilshisi.
Zań jobasy qoǵamdyq talqylaýǵa usynyldy.
Zań jobasy Qyrǵyzstan Respýblıkasynyń Qylmystyq kodeksine tórt sanatty qamtıtyn «Áıeldi óltirý (femıtsıd)» atty jańa bap qosýdy usynady:
• Jynystyq kemsitýshilikke negizdelgen áıeldi óltirý;
• Júkti áıeldi óltirý;
• Zorlaý nemese basqa da zorlyq-zombylyqpen jynystyq qatynasqa túsýmen baılanysty kisi óltirý;
• Áıeldi ózine-ózi qol jumsaýǵa ıtermeleý, nátıjesinde ólimge ákep soqtyrý.
Bul asa aýyr qylmystar úshin usynylǵan jaza — múlkin mindetti túrde tárkileýmen ómir boıy bas bostandyǵynan aıyrý. Alaıda, amnıstııa osy bap boıynsha sottalǵandarǵa qoldanylmaıdy.
Buǵan deıin elde qoǵamdyq oryndarda qýdalaýdy qylmystyq jaýapkershilikke tartýdy jáne qýdalaý úshin jazany kúsheıtý usynylǵan bolatyn.
Sondaı-aq, biz Qyrǵyzstanda turmystyq zorlyq-zombylyq jasaýshylardy elektrondy baqylaý engizilgenin habarladyq.
Aıta keteıik, 2025 jyldyń qazan aıynda Qyrǵyzstan turmystyq zorlyq-zombylyqqa baılanysty quqyq buzýshylyqtar úshin jazany qatańdatýdy kózdeıtin zańǵa qol qoıdy.
Eske salaıyq, buǵan deıin Qazaqstan BUU sessııasynda zorlyq-zombylyqtyń aldyn alý tájirıbesin tanystyrǵanyn habarlaǵan edik.
