Qyrǵyzstanda aýyl sharýashylyǵy qyzmetkerleriniń jalaqysy ósedi
ASTANA. KAZINFORM — Qyrǵyzstan prezıdenti Sadyr Japarovtyń bastamasymen bıyl jalaqyny kezeń-kezeńimen arttyrý protsesi bastaldy, dep jazady Kabar.
Bul týraly Mınıstrler kabınetiniń tóraǵa orynbasary — Prezıdent ákimshiliginiń basshysy Adylbek Qasymalıev málimdedi.
Onyń aıtýynsha, qazirgi ýaqytta jalaqy ósimi áleýmettik sala qyzmetkerlerin qamtyǵan, al kúzde basqa memlekettik mekemeler qyzmetkerleriniń de eńbekaqysy artady. Aýyl sharýashylyǵy mınıstrliginde eń kóp qyzmetker Sý resýrstary qyzmetinde jumys isteıdi.
— Bıyl sizderdiń de jalaqylaryńyz ósedi. 1 sáýirden bastap tehnıkalyq jáne kishi qyzmet kórsetýshi personalǵa aı saıyn 5 myń som kóleminde qosymsha tólem belgilendi. Al 1 qyrkúıekten bastap negizgi qyzmetkerlerdiń jalaqysy 15 myń somǵa deıin ulǵaıtylady. Sonymen qatar eńbek kúrdeliligi úshin ústemaqy 25%-dan 50%-ǵa deıin ósedi, — dedi Qasymalıev.
Budan buryn habarlanǵandaı, Qyrǵyzstanda mádenıet salasy qyzmetkerleriniń jalaqysy 100%-ǵa ósedi.
Sonymen qatar, 1 sáýirden bastap medıtsına salasy qyzmetkerleriniń jalaqysy 100%-ǵa artatynyn habarladyq.
