Qyrǵyzstanda aýa temperatýrasy sońǵy 60 jylda 1,2°C joǵarylady
ASTANA. KAZINFORM — Qyrǵyzstandaǵy klımattyq ózgerister endi tek boljam emes, naqty shyndyqqa aınaldy. Sońǵy 60 jylda Qyrǵyz Respýblıkasy aýmaǵynda jyldyq ortasha temperatýra shamamen 1,2 gradýs Tselsııge kóterildi, bul jahandyq kórsetkishten eki ese joǵary, dep jazady Kabar.
Bul týraly Qorshaǵan orta, tabıǵı resýrstar jáne tehnıkalyq qadaǵalaý mınıstrliginiń Ekologııalyq jáne klımattyq saıasat basqarmasynyń jetekshi mamany Jibek Kadoeva Birinchi radıosyna habarlady.
Onyń sózinshe, sońǵy jyldar eń jyly kezeńderdiń biri boldy.
— Biz sondaı-aq sel, sý tasqyny, qýańshylyq jáne jer silkinisi sııaqty ekstremaldy aýa raıy qubylystaryn baqylap otyrmyz, — dedi maman.
Jibek Kadoevanyń sózinshe, jalpy jyl saıyn elde shamamen 200 tótenshe jaǵdaı tirkeledi, onyń 90%-y klımattyq faktorlarǵa baılanysty.
— Bul ekonomıkaǵa, halyq qaýipsizdigine jáne aýyl sharýashylyǵy men sý resýrstary sııaqty negizgi salalarǵa áser etedi. Negizinen bul derekterdi biz Qyrǵyzgıdrometten alamyz, — dep qosty Jibek Kadoeva.
Osydan buryn Qyrǵyzstanda keneler maýsymy bastalǵanyn jazǵan edik.
