Qyrǵyzstanda áskerge elektrondy shaqyrtý men tsıfrlyq kýálik engiziledi
ASTANA.KAZINFORM - Qyrǵyzstanda bastapqy áskerı tirkeý, medıtsınalyq tekserý jáne áskerı kýálik berý tsıfrlandyrylady, dep habarlaıdy Kazinform agenttiginiń Bishkektegi tilshisi.
Mınıstrler kabınetiniń tıisti qaýlysynyń jobasy qoǵamdyq talqylaýǵa usynyldy. Qujatqa sáıkes, azamattarǵa alǵashqy áskerı tirkeý týraly Tunduk mobıldi qosymshasy, push-habarlandyrýlar jáne jetkizilgenin rastaıtyn SMS habarlamalar arqyly habarlanady.
Medıtsınalyq tekserýler tsıfrlyq medıtsınalyq jazbalar, tsıfrlyq medıtsınalyq qujattar jáne vedomstvoaralyq elektrondy baılanys arqyly alynǵan aqparatpen júrgiziledi.
Mamandandyrylǵan medıtsınalyq esepter tsıfrly túrde daıyndalady, tsıfrly qol qoıylady jáne Asker tsıfrlyq tehnologııa júıesinde saqtalady.
Áskerı tirkeý jáne áskerge shaqyrý bólimderi áskerge shaqyrylýshylar týraly aqparatty densaýlyq saqtaý uıymdarynyń, Іshki ister mınıstrliginiń, Bilim mınıstrliginiń, jergilikti ózin-ózi basqarý organdarynyń jáne áleýmettik qorǵaý organdarynyń derekqorlarynan tikeleı alady. Aqparatty qaǵaz túrinde berýge tek tsıfrlyq ortada vedomstvoaralyq yntymaqtastyq tehnıkalyq turǵydan múmkin bolmaǵan jaǵdaıda ǵana ruqsat etiledi.
Áskerı tirkeý jáne áskerı bılettiń ózi týraly aqparat elektrondy formatqa túrlendiriledi jáne Tunduk mobıldi qosymshasynyń jeke kabınetinde jáne portaldyń ózinde qoljetimdi bolady. Tsıfrlyq qujat qaǵaz nusqasymen birdeı zańdy kúshke ıe. Azamattyń ótinishi boıynsha qaǵaz nusqasy berilýi múmkin.
Aıta keteıik,bizdiń elimizde eńbek ótilin tirkeý tolyqtaı tsıfrlandyrylady.
