Qyrǵyzstanda asyl tuqymdy mal sharýashylyǵy tsıfrlyq júıege kóshirildi

ASTANA. KAZINFORM —  Qyrǵyzstanda asyl tuqymdy fermalarǵa arnalǵan avtomattandyrylǵan esep júıesi jumys isteı bastady, dep jazady Kabar.

Mal sharýashylyǵy salasyndaǵy qujat aınalymyn azaıtý jáne jumystyń tıimdiligin arttyrý maqsatynda Qyrǵyzstanda asyl tuqymdy sýbektilerdi — sharýashylyqtar men fermalardy, sondaı-aq jasandy uryqtandyrý pýnktterin esepke alýǵa arnalǵan birtutas avtomattandyrylǵan platforma ázirlendi.

Qyrǵyz Respýblıkasynyń Aýyl sharýashylyǵy mınıstrliginiń málimetinshe, bul platforma arqyly endi asyl tuqymdy zaýyt, asyl tuqymdy sharýashylyq nemese asyl tuqymdy ferma mártebesin alý úshin ótinishterdi onlaın túrde berý múmkindigi qarastyrylǵan.

Júıe «Agrosmart» memlekettik mekemesimen birlesip ázirlengen. Qazirgi ýaqytta onyń synaqtyq nusqasy qoldanysqa engizilip jatyr.

«Asyl tuqymdy sýbektiler men jasandy uryqtandyrý pýnktteriniń elektrondyq reestri» dep atalatyn avtomattandyrylǵan aqparattyq júıe kelesi múmkindikterdi qamtamasyz etedi:

• asyl tuqymdy qujattamany júrgizýdegi ashyqtyq,

• ótinishterdi óńdeýdegi jedeldik,

• aqparatty naqty esepke alý jáne saqtaý.

Osyǵan deıin Qyrǵyzstanda aǵza aıyrbastaýǵa tek týystary donor bola alatyny aıtyldy.