Qyrǵyzstanda arnaıy ınvestıtsııalyq aýmaq qurylady

ASTANA.KAZINFORM - Qyrǵyzstannyń Ystyqkól oblysynda quqyqtyq rejım men mártebege ıe «Tamchy» arnaıy ınvestıtsııalyq aýmaǵyn qurý josparlanyp otyr, dep habarlaıdy Kazinform tilshisi.

Qyrǵyzstannyń Ekonomıka jáne saýda mınıstrligi tıisti zań jobasyn ázirledi.

Qujat sheteldik jáne jergilikti ınvestıtsııalardy tartýǵa, ınvestıtsııalyq ahýaldy jaqsartýǵa jáne ekonomıkanyń ártúrli sektorlaryn (óndiris, týrızm, saýyqtyrý oryndary, kólik ınfraqurylymy) damytýǵa kómektesetin ekonomıkalyq aımaqty qurýǵa jáne damytýǵa baǵyttalǵan.

«Tamchy» arnaıy ınvestıtsııalyq aýmaǵy kásipkerlik qyzmet úshin qolaıly jaǵdaı jasaýdy qamtamasyz etetin erekshe quqyqtyq rejımge ıe bolady. Investorlarǵa salyqtyq jáne zańdy preferentsııalar beriledi: korporatıvtik tabys salyǵynan jáne múlik salyǵynan bosatý, sheteldik qyzmetkerlerge jeńildik rejımi jáne valıýtalyq operatsııalar erkindigi.

Bul organdar belgili bir ókilettikter sheńberinde jumys isteıdi jáne zań jobasynda kózdelgen jaǵdaılardy qospaǵanda, olardyń qyzmeti memleketke táýelsiz bolady.

Zań jobasynyń bastamashylary BAÁ-degi Dýbaı halyqaralyq qarjy ortalyǵy (DIFC) jáne Qazaqstandaǵy «Astana» halyqaralyq qarjy ortalyǵy (AHQO) sııaqty aımaqtarda osyǵan uqsas tásil óziniń tıimdiligin dáleldegenin atap ótti. Bul ortalyqtar jahandyq kapıtaldy tartatyn núktege, joǵary bilikti mamandardyń habyna jáne aýqymdy ekonomıkalyq reformalar alańyna aınaldy.

Qyrǵyz Respýblıkasynda salyqtyq ákimshilendirý protsedýrasy jeńildetilgeni týraly buǵan deıin habarlanǵan bolatyn.

Osyǵan deıin Qyrǵyzstannyń saýdagerler úshin patent júıesin qaıta engizgeni týraly jazdyq.