Qyrǵyzstanda ardagerlerge beriletin birjolǵy tólem somasy belgili boldy
ASTANA. KAZINFORM — Qyrǵyzstanda Ekinshi dúnıejúzilik soǵys ardagerlerine 200 myń som kóleminde birjolǵy tólem beriledi, dep habarlaıdy Kabar.
Qyrǵyz Respýblıkasynyń prezıdenti Sadyr Japarov Ekinshi dúnıejúzilik soǵys ardagerlerine birjolǵy materıaldyq kómek kórsetý týraly ókimge qol qoıdy. Bul týraly Qyrǵyz Respýblıkasy prezıdenti ákimshiligi habarlady.
Qujatqa sáıkes, Prezıdent qorynyń qarajatynan Qyrǵyzstannyń Eńbek, áleýmettik qamsyzdandyrý jáne kóshi-qon mınıstrligine pochta shyǵyndaryn qosa alǵanda 4 848 000 som bólinip otyr. Bul qarajat Ekinshi dúnıejúzilik soǵys ardagerlerine 200 000 som kóleminde birjolǵy materıaldyq kómek tóleýge baǵyttalady.
Kómek kelesi sanattaǵy azamattarǵa beriledi:
– Ekinshi dúnıejúzilik soǵysynyń qatysýshylary;
– natsıster men olardyń odaqtastary qurǵan kontslagerlerde, gettolarda jáne basqa da májbúrli ustaý oryndarynda kámeletke tolmaǵan tutqyn bolǵan tulǵalar;
– Lenıngrad qalasynyń qorshaýy kezinde (1941 jylǵy 8 qyrkúıek – 1944 jylǵy 27 qańtar) kásiporyndarda, mekemelerde jáne uıymdarda jumys istegen, «Lenıngradty qorǵaǵany úshin» medalimen marapattalǵan nemese «Qorshaýdaǵy Lenıngrad turǵyny» belgisin alǵan azamattar.
Osydan buryn Qyrǵyzstanda 1 qyrkúıekten bastap memlekettik qyzmetkerler men jergilikti ózin-ózi basqarý qyzmetkerleriniń jalaqysy ósetinin jazdyq.
