Qyrǵyzstanda «Arashan» tuqymynyń qoshqary 1 mln dollarǵa satyldy
ASTANA. KAZINFORM – Qyrǵyzstanda «Arashan» tuqymynyń qoshqary rekordtyq 1 mıllıon dollarǵa satyldy. Quny mıllıon dollarǵa baǵalanǵan mámile osy tuqymnyń etti-maıly qoı sharýashylyǵyn damytýǵa arnalǵan halyqaralyq festıvalde jasalǵan. Bul týraly Kazinform agenttiginiń Bishkektegi menshikti tilshisi jergilikti BAQ-qa silteme jasap habarlady.
Іs-sharaǵa Ózbekstan, Reseı, Tájikstan jáne Qazaqstan men Qyrǵyzstannan kelgen fermerler, sondaı-aq aýyl sharýashylyǵy salasynyń ókilderi qatysty.
Bul qoshqar 2023 jyly Qazaqstanda 150 myń dollarǵa satylǵan, ataqty Frankel esimdi qoshqardan taraǵan.
«Arashan» qoı tuqymy Qyrǵyzstanda 2021 jyly resmı túrde tirkelgen. Bul tuqym iriligi, salmaqty bolatyndyǵy jáne tez ósetindigimen erekshelenedi. Sonymen qatar ol bıik taýly óńirlerdiń qatal klımatyna, dalaly ańǵarlarǵa jáne qorada baǵyp-kútýge jaqsy beıimdelgen.
Qyrǵyz Respýblıkasynyń Sý resýrstary, aýyl sharýashylyǵy jáne qaıta óńdeý ónerkásibi mınıstrliginiń málimetinshe, «Arashan» tuqymdy qoılardyń sanyn kóbeıtý, sapasyn arttyrý jáne halyqaralyq naryqqa shyǵarý – mal sharýashylyǵyn damytýdyń mańyzdy baǵyttarynyń biri.
Buǵan deıin Qyrǵyzstanda úı janýarlaryn chıpteý men tirkeý júıesin engizý usynylǵany habarlanǵan bolatyn.
Aqzat Baqytjanqyzy
