Qyrǵyzstanda ánurannyń jańa nusqasyna mýzyka jazýǵa baıqaý jarııalandy
ASTANA. KAZINFORM – Memlekettik ánurannyń jańa redaktsııasyna mýzyka jazýǵa arnalǵan konkýrs jarııalandy.
Bul jóninde Qyrǵyz Respýblıkasynyń Mádenıet, aqparat, sport jáne jastar saıasaty mınıstrligi habarlady.
Vedomstvonyń málimdeýinshe, ánuran mátini men mýzykasyn jańartý máselesine arnalǵan vedomstvoaralyq komıssııanyń tórtinshi otyrysynda 16 maýsym men 17 shilde aralyǵynda qabyldanǵan 132 usynystyń ishinen bes mátin iriktelip alynǵan.
Konkýrstyń ekinshi kezeńinde kompozıtorlar, mýzykanttar jáne oryndaýshylar osy bes mátinniń birine sáıkes keletin mýzykalyq nusqalaryn usyna alady. Mýzykalyq usynystardy qabyldaý bıylǵy 8 qyrkúıekke deıin jalǵasady.
Qatysýshylar óz materıaldaryn kelesi mekenjaıǵa joldaýy qajet: Bishkek qalasy, Pýshkın kóshesi, 8-úı, Qyrǵyz Respýblıkasynyń Mádenıet, aqparat, sport jáne jastar saıasaty mınıstrligi.
— Іrikteý nátıjesi boıynsha komıssııa úsh úzdik nusqany (mátin men mýzyka) Jogorký Keneshtiń qaraýyna usynady, — delingen habarlamada.
Aıta ketelik Qyrǵyzstanda týrıster sany óskenimen qyzmet kórsetý salasy artta qalyp otyrǵany týraly jazǵan edik.