Qyrǵyzstanda alımentten jaltarǵandardy tutqyndaý usynyldy
ASTANA. KAZINFORM – Qyrǵyzstannyń Bas prokýratýrasy alıment tóleýden jaltarǵandarǵa jaýapkershilikti qataıtýdy usynyp otyr.
Kópshiliktiń talqylaýyna usynylyp otyrǵan qujatta mynadaı talaptar bar:
Kámeletke tolmaǵan balalardy nemese kámeletke tolǵan, biraq eńbekke qabiletsiz ári materıaldyq kómekke muqtaj balalardy asyraýǵa qarajat tólemegen jaǵdaıda, eger qaryz úsh aıdan astam qatarynan nemese bir jyl ishinde jıyntyǵynda eseptelgen merzimde qalyptassa, ata-analarǵa úsh táýlikke ákimshilik qamaý túrindegi jaza qoldanylýy múmkin;
Jaýapqa tartylǵannan keıin 12 aı ishinde qaıtadan zań buzsa, jeti táýlikke qamaýǵa alynady;
Eńbekke qabiletsiz jáne materıaldyq kómekke muqtaj ata-analardy asyraýdan úsh aı boıy jaltarǵan jaǵdaıda, sot sheshimin nemese alıment týraly kelisimdi buzǵan eńbekke qabiletti kámeletke tolǵan balalardy úsh táýlikke qamaýǵa alý usynylady.
Osyǵan deıin Almatyda alıment bereshegi 1,5 mlrd teńgeden asqany týraly jazdyq.