Qyrǵyzstanda alıment pen qaryz endi notarıýs arqyly óndiriledi

ASTANA. KAZINFORM - El parlamenti úshinshi oqylymda kámeletke tolmaǵan balalardy asyraýǵa arnalǵan alımentti kelispeýshilik bolmaǵan jaǵdaıda notarıýstar arqyly óndirip alýǵa múmkindik beretin notarıattyq qyzmet týraly zańnamaǵa túzetýlerdi qabyldady, dep habarlaıdy Kazinform agenttiginiń menshikti tilshisi. 

Jaqynda el parlamenti notarıat qyzmetine qatysty zańnamaǵa túzetýlerdi úshinshi oqylymda qabyldady. Bul túzetýler kámeletke tolmaǵan balalardy asyraýǵa arnalǵan alımentti, eger eki taraptan daý bolmasa, notarıýstardyń buıryǵy arqyly óndirip alýǵa múmkindik beredi.

Alıment mólsheri aı saıyn bylaısha belgilenedi:

bir balaǵa – ata-ana tabysynyń ¼ bóligi,

eki balaǵa – ⅓ bóligi,

úsh jáne odan kóp balaǵa – tabystyń jartysy.

Eńbekke qabiletti ata-analar úshin kámeletke tolmaǵan balalarǵa tólenetin alımenttiń eń tómengi mólsheri aı saıyn keminde mynandaı bolýǵa tıis:

bir balaǵa – bir eń tómengi jalaqy (JTM);

eki balaǵa – 1,5 JTM;

úsh jáne odan da kóp balaǵa – 2 JTM.

Bekitilgen aqshalaı mólsherde alıment óndiriletin jaǵdaılar bul erejeden tys qarastyrylady.

Sonymen qatar, kommýnaldyq tólemder boıynsha qaryz alty aıdan asa ýaqyt tólenbese, olardy da notarıýs arqyly óndirip alý múmkindigi qarastyrylǵan.

Ótinishter boryshkerdiń nemese ótinish berýshiniń turǵylyqty mekenjaıy boıynsha notarıýske beriledi.

Bul jańashyldyqtar sot protsesinsiz, ońaılatylǵan tártippen belgili bir talaptardy óndirýge jol ashady.

Aıta ketelik Qyrǵyzstanda oıynǵa táýeldi balalar qanshalyqty jıi kezdesetini týraly jazǵan edik.