Qyrǵyzstanda álemdegi eń uzyn aspaly shyny kópir salynady
ASTANA. KAZINFORM — Qyrǵyzstandaǵy «Ala-Archa» tabıǵı parkinde álemdegi eń uzyn aspaly shyny kópirdiń qurylysy bastalady, dep habarlaıdy Kazinform agenttiginiń Bishkektegi menshikti tilshisi.
Qyrǵyz Respýblıkasy Prezıdentiniń Іs basqarmasy jobanyń eskızderin tanystyryp, qurylysty qolǵa alatyn eýropalyq kompanııa ókilderimen kezdesti.
Vedomstvonyń málimetinshe, kópirdiń uzyndyǵy 732 metr bolady.
Kópir qurylysyn 2026 jylǵy qarashada bastap, 2027 jyldyń sońynda aıaqtaý josparlanǵan. Nysan osy merzimde týrıster úshin ashylady. Sondaı-aq ony Gınnestiń rekordtar kitabyna engizý kózdelip otyr.
Jańa nysan iri týrıstik baǵyttyń bir bóligine aınalady. Onyń mańynan Tepshı ústirtinen Teke-Too taýy men jergilikti sarqyramaǵa deıin baratyn ekologııalyq soqpaq salý josparlanǵan. Budan bólek, «Ala-Archa» parkinde aspaly jol iske qosylyp, demalys úıleri boı kótergen. Qazir bes juldyzdy qonaqúıdiń qurylysy aıaqtalýǵa jaqyn.
Buǵan deıin Qyrǵyzstanda alǵash ret aspaly jol ashylǵany habarlanǵan bolatyn.
