Qyrǵyzstanda AQSh-tan qarý-jaraq jetkizetin kontrabandalyq arna anyqtaldy
ASTANA. KAZINFORM – Qylmystyq top Qyrǵyzstan arqyly AQSh-tan Reseıge atys qarýy men oq-dárilerdi zańsyz jetkizip, satatyn halyqaralyq arna uıymdastyrdy, dep habarlaıdy Kazinform menshikti tilshisi.
Qyrǵyzstan Respýblıkasy UQMK málimetinshe, 2022 jyldyń sáýirinen qazirgi ýaqytqa deıin Qyrǵyzstan, Reseı jáne AQSh azamattarynan turatyn transulttyq top esepke alynbaǵan «Glok», «CZ», «SIG SAUER» markaly tapanshalary, «AR-15», 5,56-223 mm kalıbrli «SIG SAUER» vıntovkalary, «Bennelı» sholaq myltyqtary jáne olarǵa arnalǵan oq-dárilerdi tasymaldaý jáne satýdyń turaqty arnasyn qurdy.
- Qyrǵyzstan azamaty S.M. jáne AQSh-taǵy basqa tulǵalar óndirýshilerdiń saıttarynan atys qarýyn satyp alyp, ártúrli beıne apparatýrany jeleý etip, Qyrǵyzstanǵa poshta arqyly jiberip otyrǵan, ol jaqta qoldanýǵa daıyn atys qarýynyń negizgi bólikterin qurastyrǵan. Sodan keıin olar zańsyz satý úshin Reseıge jiberildi, - delingen habarlamada.
Anyqtalǵandaı, atalǵan merzimde Qyrǵyzstan aýmaǵy arqyly Reseıge 300-den astam qarý-jaraq tasymaldanǵan, bul rette negizgi tapsyrys berýshileri qylmystyq álem ókilderi boldy.
- 2025 jyldyń 23 qańtarynda AQSh-tan kezekti partııany alyp jatqanda Qyrǵyzstan azamaty S.M. ustaldy. Odan 5,56-223 mm kalıbrli vıntovkanyń eki uńǵysy jáne «Glok-34» tapanshasynyń uńǵysy tárkilendi, - dep habarlady arnaıy qyzmet.
Ustalǵan azamat ustalyp, QR UQMK ýaqytsha ustaý abaqtysyna qamaldy.
Osyǵan deıin Qyrǵyzstanda sheteldikter zańsyz kóshi-qon uıymdastyrǵany týraly jazdyq.
