Qyrǵyzstanda 30 myń bishkektik «Máńgilik polk» sherýine shyqty
ASTANA. KAZINFORM — Qatysýshylar ózderiniń týystary — maıdangerler, tyl eńbekkerleri jáne soǵys ardagerleriniń sýretterin alyp, D. Asanov atyndaǵy saıabaqtan Beıbitshilik alańyndaǵy «Máńgilik alaýǵa» deıin júrip ótti, dep habarlaıdy Kabar.
El astanasy ákimdiginiń málimetinshe, sherý aıaqtalǵannan keıin «Máńgilik alaýǵa» gúl qoıý rásimi ótti.
Sondaı-aq, sharaǵa qatysýshylar úshin dástúrli sarbaz botqasy ázirlenip, merekelik kontsert uıymdastyryldy.
Budan bólek, 9 mamyr kúni Qarakólde de «sarbaz botqasy» aktsııasy ótkizildi. Qala turǵyndary men qonaqtary úshin 1000-nan astam portsııa dástúrli sarbaz botqasy daıyndalyp, taratyldy.
Jeńis saıabaǵy aýmaǵynda dala ashanasy jumys istep, «Eýrazııa» eriktileri turǵyndar men qonaqtarǵa áskerı jyldardyń dástúrli taǵamy — qaraqumyq botqasy men buqtyrylǵan et, sondaı-aq ystyq shaı usyndy.
Jınalǵandar úshin bul shara sarbaz botqasynan dám tatyp qana qoımaı, birlik, alǵys jáne ortaq tarıhı jady atmosferasyn sezinýge múmkindik boldy.
«Eýrazııa Qyrǵyzstan» óńirlik keńsesiniń dırektory Kymbat Ýrýmkýlova atap ótkendeı, 9 mamyr — urpaqtardy biriktiretin jáne bolashaq urpaqtyń beıbit ómiri úshin janyn qıǵan erlerdiń erligin eske salatyn qasıetti kún.
— Biz óz ómirin qurban etip, maıdanda da, tylda da ortaq Jeńisti jaqyndatqan batyrlardy maqtanyshpen eske alamyz. Olardyń erligin umytpaý — bizdiń boryshymyz, — dedi ol.
Eske salsaq, keshe Sadyr Japarovtyń qatysýymen Qyrǵyzstanda Jeńistiń 81 jyldyǵyna arnalǵan mıtıng-rekvıem ótkenin jazdyq.
