Qyrǵyzstanda 3 mıllıard dollarǵa temirjol salynady
ASTANA. KAZINFORM - Qyrǵyzstan «Maqmal-Qarakól» baǵyty boıynsha temir jol salýdy josparlap otyr, dep habarlaıdy Kazinform tilshisi.
Prezıdent janyndaǵy Ulttyq ınvestıtsııa agenttiginiń málimetinshe, memlekettik-jekemenshik áriptestik týraly kelisimge qol qoıyldy. Qujat Ulttyq ınvestıtsııa agenttigi, «Qyrǵyz temir joly» ulttyq kompanııasy» memlekettik kásiporny jáne All American Rail Group Global Infrastructure Partner LLC konsortsıýmy arasynda jasalǵan.
Ulttyq ınvestıtsııa agenttiginiń dırektory Talantbek Imanov bul Qyrǵyzstannyń temirjol salasyndaǵy alǵashqy jobasy ekenin atap ótti.
- Jalpy ınvestıtsııa kólemi shamamen 3 mıllıard dollardy quraıdy, bul jańa jumys oryndaryn qurýǵa, kólik jelisin aıtarlyqtaı jaqsartýǵa, uzaq merzimdi perspektıvada elge ekonomıkalyq paıda ákelýge múmkindik beredi, - dedi ol.
Joba Qyrǵyzstannyń kólik júıesine jańa kókjıek ashyp, kórshi eldermen kólik baılanysyn jaqsartyp, ekonomıkany halyqaralyq arenada básekege qabiletti etedi.
Osyǵan deıin Qyrǵyzstanda kómirdiń baǵasyn memleket tarapynan retteý toqtatylatyny týraly jazdyq.