Qyrǵyzstanda 29 balany qaqqan kólik júrgizýshi ustaldy

ASTANA. KAZINFORM — Qyrǵyzstannyń Sozaq aýdanyndaǵy oqýshylardy qaǵyp ketken júk kóliginiń júrgizýshisi ustaldy. Bul týraly eldiń ІІM habarlady, dep jazady Kabar agenttigi.

Vedomstvo basshysynyń orynbasary Oktıabr Ýrmanbetov oqıǵa bolǵan aımaqqa kelip, jaǵdaıdy óz baqylaýyna aldy.

Bul is Ulttyq qaýipsizdik memlekettik komıtetiniń basshysy Qamshybek Tashıevtiń de baqylaýynda.

Densaýlyq saqtaý mınıstrliginiń habarlaýynsha,  zardap shekkender sany 25-ten 32 balaǵa deıin ósti.

Aýrýhanadaǵy 9 balanyń tórteýi jansaqtaý bóliminde jatyr, olardyń jaǵdaıy aýyr. Aýrýhana meńgerýshisi Qypshaqbaı Toqtarbaevtyń jýrnalısterge habarlaýynsha, zardap shekkenderdiń ekeýinde bas-mı jaraqaty, bireýinde ashyq bas súıek-mı jaraqaty, bas súıeginiń túbiniń synýy, al bireýinde qabyrǵa asty súıeginiń ekstrýzııalanǵan synyǵy bar. Kókbaýyr jarylǵan eki balaǵa ota jasaldy.

Esterińizge sala keteıik, buǵan deıin Qyrǵyzstanda balmuzdaq tıegen júk kóligi 29 balany qaǵyp, olardyń 7-eýi jansaqtaý bólimine jetkizilgenin habarlaǵan bolatynbyz.