Qyrǵyzstanda 2 myńnan astam stýdent oqýdan shyǵaryldy

ASTANA. KAZINFORM – Qyrǵyzstanda zańbuzýshylyqqa baılanysty Batken memlekettik ýnıversıteti men onyń fılıaldarynan 2 170 stýdent oqýdan shyǵaryldy, dep habarlaıdy Kazinform tilshisi.

Qyrǵyzstan Respýblıkasy Ulttyq qaýipsizdik komıtetiniń málimetinshe, oqý ornynda sabaqqa qatysý erejelerin buzý jáne joǵary jáne arnaýly oqý oryndarynyń talaptaryn elemeý faktileri anyqtalǵan. 

Tekserý nátıjesinde ýnıversıtet pen onyń tıisti qurylymdarynan 2 170 stýdent shyǵaryldy. Atap aıtsaq, Batken memlekettik ýnıversıtetinen – 570, M.M.Taıyrov atyndaǵy Qyzyl-qııa gýmanıtarlyq-pedagogıkalyq ınstıtýtynan – 801, Qyzyl-qııa tehnologııa, ekonomıka jáne quqyq ınstıtýtynan – 380, A.A.Mashrabov atyndaǵy Súluqta gýmanıtarlyq-ekonomıkalyq ınstıtýtynan – 170, Kóptildi ýnıversıtetinen – 177 234, BatMÝ janyndaǵy pedagogıka jáne kommýnıkatsııa kolledjinen – 14.  

Arnaıy qyzmet bilim berý júıesindegi sybaılas jemqorlyq pen basqa da zańsyz kórinisterdi anyqtaý jáne jolyn kesý boıynsha jumysty jalǵastyryp jatyr. 

Eske sala keteıik, buǵan deıin Qyrǵyzstan halyqaralyq ınternet-trafıkke ýaqytsha memlekettik monopolııa engizetinin jazǵan edik.