Qyrǵyzstanda jol erejesin 3 ret óreskel buzǵan júrgizýshi qaıtadan emtıhan tapsyrady

BІShKEK. KAZINFORM – Qyrǵyzstanda kólik quraldary júrgizýshileri bir jyl ishinde jol qozǵalysy erejecin úsh nemese odan da kóp óreskel buzǵan jaǵdaıda emtıhan tapsyrýǵa qaıta jiberiledi, dep habarlaıdy Qyrǵyzstan Respýblıkasy ІІM Jol qozǵalysy qaýipsizdigin qamtamasyz etý jónindegi Bas basqarmasy.

Jergilikti zańnamaǵa sáıkes, júrgizýshiler kelesideı eleýli tártipbuzýshylyqtar úshin teorııalyq emtıhandy qaıta tapsyrýǵa jiberiledi:

* kólikti nómir belgisinsiz júrgizý;

* kólik quralyn toqtatý týraly talapty oryndamaý;

* 40 km/saǵ jáne 60 km/saǵ jyldamdyq rejımin asyrý;

* arnaıy belgisi bar kólik quraldaryna basymdyq bermeý;

* basyp ozý nemese manevr jasaý erejelerin buzyp, joldyń qarsy jolaǵyna shyǵyp ketý;

* jol qozǵalysy erejelerin buzý saldarynan jol qurylystaryna nemese basqa múlikke zııan keltirý;

* jol qozǵalysy erejelerin adam densaýlyǵyna zııan keltiretindeı buzý;

* kólik quralyn basqarýdy mas júrgizýshige nemese júrgizýshi kýáligi joq adamǵa berý.

Buǵan deıin Qyrǵyzstanda bir aptada júrgizýshi kýáligin aýystyrýǵa 79 myńǵa jýyq ótinim túskenin jazdyq.

Sondaı-aq Qyrǵyzstanda júrgizýshi kýáligine emtıhandy JI qabyldaıtynyn habarlaǵan bolatynbyz.