Qyrǵyzstan JOO rektorlarynyń sheteldik stýdentterge jeke jaýapkershiligin arttyrdy
ASTANA.KAZINFORM - Qyrǵyzstanda kóshi-qon protsesterin ońtaılandyrý sharalary qabyldandy. Tıisti jarlyqqa memleket basshysy qol qoıdy.
Qujatqa sáıkes, Qyrǵyz Respýblıkasynyń Mınıstrler kabınetine Qyrǵyz Respýblıkasynyń aýmaǵynda sheteldik azamattardyń "biryńǵaı tereze" erejesi boıynsha kelý jáne olardyń el aýmaǵynda eńbek qyzmetin júzege asyrý tártibin retteıtin qujattardy resimdeýin ońtaılandyrý tapsyryldy. Sondaı-aq syrtqy eńbek kóshi-qony salasyndaǵy zańnamada kózdelgen komıssııalyq qaraý rásimderin toqtata turyp, sheteldik jumys kúshin tartýǵa arnalǵan respýblıkalyq kvotany bólý tártibi qaıta qaralýǵa tıis.
Budan basqa, bilim berý uıymynyń vızalyq qoldaýymen kelgen tulǵalar úshin bilim berý uıymdary basshylarynyń derbes jaýapkershiligin kúsheıtý jáne Qyrǵyzstanǵa shaqyrǵan nemese qabyldaıtyn adamdardyń jáne azamattyǵy joq adamdardy tirkeýdiń jáne turý, kelý, turǵylyqty jerin ózgertý quqyǵyna qujattardy resimdeýdiń belgilengen tártibin buzǵany úshin aıyppul sanktsııalaryn ulǵaıtý kózdeledi.
Bul sharalar eldegi kóshi-qon protsesterin memlekettik basqarý jáne baqylaý júıesin odan ári jetildirý maqsatynda qabyldandy jáne pılottyq rejımde iske asyrylady. Pılottyq joba sátti ıntegratsııalanǵan jaǵdaıda, kóshi-qon protsesteri Zańmen retteledi.
Buǵan deıin Qyrǵyzstanda Qylmystyq kodekstiń sheteldik azamattarǵa qatysty qylmys jasaǵany úshin jaza qarastyratyn baptaryna túzetýler engizý usynylǵan bolatyn. Zań jobasynda sheteldikterdiń densaýlyǵy men múlkine zııan keltirgeni úshin jaýapkershilik kúsheıtildi.
