Qyrǵyzstan Jogorký Keneshi saılaýyna daýys berý úshin Qazaqstanda qansha ýchaske ashylady
BІShKEK. KAZINFORM – Qyrǵyzstannyń Saılaý jáne referendýmdardy ótkizý jónindegi ortalyq komıssııasy merziminen buryn parlament saılaýynda daýys berý úshin shetelde 34 elde 100 saılaý ýchaskesin ashýdy josparlap otyr, dep habarlaıdy Kazinform menshikti tilshisi.
OSK málimetinshe, búginde shetelde 59 saılaý ýchaskesi bar, taǵy 41 saılaý ýchaskesin ashý usynylyp otyr.
Qazaqstanda qyrǵyzstandyqtar Astana, Almaty (eki ýchaske), Atyraý, Qaraǵandy, Shymkent jáne Taraz qalalaryndaǵy jeti saılaý ýchaskesinde daýys bere alady.
OSK tóraǵasy Tynchtyk Shaınazarov aldaǵy parlament saılaýy prezıdent jáne parlamenttik saılaý týraly konstıtýtsııalyq zańǵa engizilgen ózgeristerge sáıkes jańa júıe boıynsha ótetinin eske saldy. El 30 saılaý okrýgine bólinip, olardyń árqaısysyna parlamentke úsh depýtattan saılanady.
Saılaýshylarǵa barynsha qolaıly jaǵdaı jasaý maqsatynda saılaý kezinde saılaýshylarǵa fızıkalyq turǵydan kez kelgen saılaý ýchaskesinde bıýrokratııalyq kedergilersiz daýys berýge múmkindik beretin qashyqtan daýys berý júıesi qoldanylady.
Eske sala ketsek, qyrkúıekte Qyrǵyzstannyń Jogorký Keneshiniń spıkeri Nurlanbek Turǵynbek ýýlý parlament otyrysynda ózin-ózi taratý protsedýrasy bastalǵany týraly aqparatty rastady. https://kaz.inform.kz/news/kirgizstanga-parlamenttn-ozn-oz-taratui-ne-ushn-kazhet-ef283e/
23 qyrkúıekte profıldi komıtet Qyrǵyzstan parlamentin óz erkimen taratý týraly usynysty maquldady.
Al 25 qyrkúıek kúni Qyrǵyzstan Jogorký Keneshiniń otyrysynda parlamentti merziminen buryn taratý týraly sheshim qabyldandy.
Qyrǵyzstan prezıdenti Sadyr Japarov «Qyrǵyz Respýblıkasynyń Jogorký Kenesh depýtattarynyń merziminen buryn saılaýyn taǵaıyndaý týraly» Jarlyqqa qol qoıdy. Merziminen buryn parlament saılaýy jeksenbi, 2025 jyldyń 30 qarashasyna belgilendi.
El prezıdenti halyqqa Joldaýynda parlament saılaýyn jeke ózi baqylaýǵa nıetti ekenin bildirdi.
2025 jylǵy 1 qazanǵa qaraǵandaǵy málimet boıynsha, Qyrǵyzstanda saılaýshylar sany 4 mıllıon 287 myń adam boldy.
Buǵan deıin Qyrǵyzstanda depýtattar saılaýy jańa júıe boıynsha ótetinin jazǵan bolatynbyz.
Qyrǵyzstandaǵy parlamenttik saılaýǵa qaı partııalar qatysýǵa nıetti ekenin myna materıaldan oqı alasyz.