Qyrǵyzstan JІÓ-ni 2030 jylǵa qaraı 30 mlrd dollarǵa jetkizýdi kózdep otyr
ASTANA. KAZINFORM — Qyrǵyzstan aldaǵy jyldary ekonomıkany qarqyndy damytýǵa nıetti, dep habarlaıdy Kabar.
Bul týraly Mınıstrler kabınetiniń tóraǵasy Adylbek Kasymalıev «Mır» memleketaralyq teleradıokompanııasyna bergen suhbatynda málimdedi.
Onyń aıtýynsha, elde 2030 jylǵa deıingi damý strategııasy qabyldanǵan. Negizgi maqsattardyń biri — jalpy ishki ónim kólemin keminde 30 mlrd dollarǵa jetkizý. Qazirgi tańda bul kórsetkish shamamen 22,6 mlrd dollar.
Adylbek Kasymalıev naqty ósim jospardan da joǵary bolýy múmkin ekenin atap ótti.
Ekonomıkanyń negizgi qozǵaýshy kúshteri retinde:
ónerkásip
qurylys
aýyl sharýashylyǵy
qyzmet kórsetý salasy belgilengen
Agrarlyq sektorda ósim 2–4% deńgeıinde bolady dep kútilýde.
Sonymen qatar, ónerkásipti damytýǵa erekshe nazar aýdarylady. Elde keminde 100 jańa kásiporyn ashý josparlanǵan. Jobalardy tıimdi basqarý úshin árbir nysanǵa jaýapty mınıstr bekitiledi. Mundaı tásil buǵan deıin Ózbekstan tájirıbesinde qoldanylǵan.
Aıta ketelik Qyrǵyzstanda medıtsına qyzmetkerleriniń jalaqysy 100%-ǵa ósetini týraly jazǵan edik.
