Qyrǵyzstan jyl basynan beri Sırııadan 85 balany qaıtardy

ASTANA. KAZINFORM – Qyrǵyzstan jyl basynan beri Sırııadan 85 balany qaıtardy. Bul týraly baspasóz máslıhaty barysynda Qyrǵyzstannyń Syrtqy ister mınıstri Jeenbek Kýlýbaev málim etti, dep habarlaıdy Kabar agenttigi.

Ol «Aıkól» gýmanıtarlyq mıssııasynyń aıasynda Qyrǵyzstanǵa Sırııadan 121 adam qaıtarylǵanyn aıtty. Olardyń arasynda 36 áıel men 85 bala bar.

Osyǵan deıin Qyrǵyzstannyń Ulttyq qaýipsizdik memlekettik komıteti (QR UQMK) Qarakól qalasynda zańsyz jumys istep jatqan dinı bilim berý mekemesin anyqtaǵanyn habarladyq.

Komıtetten habarlanǵandaı, atalǵan dinı mekeme óz qyzmetin tirkeýden ótpeı jáne din isteri jónindegi ýákiletti organnyń ruqsatynsyz júzege asyrǵan.

Tekserý kezinde onda úsh muǵalim jumys istep, 35-ten astam kámeletke tolmaǵan balalar bilim alǵan.

Tekserý qorytyndysy boıynsha dinı bilim berý mekemesiniń qyzmeti toqtatylyp, aldyn alý sharalary júrgizildi.