Qyrǵyzstan janarmaı materıaldaryn jetkizýdi sýbsıdııalaı bastady
ASTANA.KAZINFORM - Eldiń Mınıstrler kabınetiniń sheshimimen janar-jaǵarmaı ımporttaýshylaryna ýaqytsha sýbsıdııalar jáne otyn baǵasyn memlekettik retteý resmı túrde engizildi, dep habarlaıdy Kazinform agenttiginiń Bishkektegi tilshisi.
Bul sharalar ekonomıkalyq qaýipsizdikti, el halqyn janar-jaǵarmaı materıaldarymen úzdiksiz qamtamasyz etýge jáne ulttyq ekonomıka sýbektilerine memlekettik qoldaý kórsetýge baǵyttalǵan.
Qabyldanǵan qaýlyǵa sáıkes, sheshim 2026 jyldyń 25 mamyrynan 30 qyrkúıegine deıin kúshinde bolady. Sýbsıdııa kompanııalarǵa satyp alý baǵasy men memleket belgilegen baǵa arasyndaǵy aıyrmashylyq retinde tólenedi.
Túrksib jáne Saryaǵash temirjol stantsııalarynan jetkizilimderge negizdelgen tólemderdi esepteý úshin kelesi baǵalar bekitildi:
* AI-92 benzıni - tonnasyna 860 dollar;
* AI-95 benzıni - tonnasyna 940 dollar;
* Dızel otyny - tonnasyna 950 dollar;
* Suıytylǵan munaı gazy - tonnasyna 575 dollar.
AI-95 benzıni resmı túrde áleýmettik mańyzy bar taýarlar tizimine engizildi.
Ekonomıka mınıstrligine otynnyń bólshek saýdadaǵy shekti baǵalaryn belgileý tapsyryldy.
Benzın, dızel otyny jáne suıytylǵan munaı gazyn óndirý jáne ımporttaý kezindegi aktsızderdi tóleý merzimi de ózgertildi. Endi tólemderdi esepti salyq kezeńinen keıingi aıdyń 20-syna deıin jasaýǵa bolady.
Sonymen qatar, munaı ónimderiniń keıbir túrlerin avtomobıl kóligimen ımporttaýǵa tyıym salý 30 qyrkúıekke deıin alynyp tastaldy.
Buǵan deıin elimiz otyn baǵasynyń ósýin tejeý úshin benzın men dızel otynyna salyqtardy ýaqytsha tómendetýdi usynyp jatqany habarlanǵan bolatyn.
