Qyrǵyzstan ıÝNESKO Atqarýshy keńesiniń múshesi bolyp qaıta saılandy
BІShKEK. KAZINFORM — 2025 jylǵy 7 qarashada Ózbekstannyń Samarqan qalasynda ótken Bilim, ǵylym jáne mádenıet máseleleri jónindegi Birikken Ulttar Uıymynyń (ıÝNESKO) 43-shi Bas konferentsııasy aıasynda ótken daýys berý nátıjesinde Qyrǵyz Respýblıkasy 2025–2029 jyldarǵa ıÝNESKO Atqarýshy keńesiniń quramyna sátti saılandy, dep jazdy Kabar agenttigi.
Syrtqy ister mınıstrliginiń habarlaýynsha, Atqarýshy keńes — ıÝNESKO-nyń negizgi basqarýshy organy bolyp tabylady. Ol Bas konferentsııanyń jumysyna daıyndyq júrgizý, onyń sheshimderin iske asyrý, sondaı-aq uıymnyń strategııalyq jáne baǵdarlamalyq basymdyqtaryn anyqtaý úshin jaýapty. Keńes quramynda tórt jylǵa saılanatyn 58 múshe memleket bar.
Esterińizge sala keteıik, Qyrǵyzstan buǵan deıin 2019–2023 jyldary atalmysh organnyń múshesi retinde óz mindetterin tıimdi atqarǵan.
Sonymen qatar, 2012–2016 jyldary Qyrǵyzstan ıÝNESKO-nyń Mádenıetaralyq muralardy qorǵaý úkimetaralyq komıtetiniń múshesi bolǵan, al 2017–2021 jyldary ıÝNESKO-nyń Dúnıejúzilik mura komıtetinde jáne ıÝNESKO-nyń Halyqaralyq kommýnıkatsııany damytý baǵdarlamasynyń Úkimetaralyq keńesinde ókildik jasaǵan.
Eldiń Atqarýshy keńeske qaıta saılanýy onyń ıÝNESKO baǵdarlamalary men maqsattaryna belsendi qatysýyn, turaqty damý maqsattaryn ilgeriletýge qosqan úlesin, sondaı-aq memleketter qaýymdastyǵy tarapynan joǵary senimin dáleldeıdi.
Atqarýshy keńes quramyna múshe bolý Qyrǵyzstanǵa ıÝNESKO-nyń strategııalyq baǵyttaryn qalyptastyrýǵa, el men Ortalyq Azııa óńiriniń basymdyqtaryn alǵa jyljytýǵa, bilim, ǵylym, mádenıet jáne kommýnıkatsııa salasyndaǵy halyqaralyq yntymaqtastyqty nyǵaıtýǵa múmkindik beredi.
Bul saılaý Qyrǵyzstannyń kópjaqty dıplomatııa prıntsıpterine beriktigin, kishi memleketterdiń halyqaralyq protsesterge konstrýktıvti úlesin kórsetetinin, sondaı-aq eldiń ulttyq múddelerin ilgeriletý men halyqaralyq bedelin nyǵaıtý baǵytynda Syrtqy ister mınıstrligi, Qyrǵyzstannyń ıÝNESKO janyndaǵy Turaqty ókildigi jáne Ulttyq komıssııanyń belsendi kúsh-jigeriniń arqasynda júzege asqanyn kórsetedi.
Eske sala keteıik, buǵan deıin ıÝNESKO-nyń jańa bas dırektory bolyp Haled ál-Ananı taǵaıyndalǵanyn jazǵan bolatynbyz.