Qyrǵyzstan ıadrolyq qarýǵa tyıym salý týraly shartqa qosyldy

ASTANA. KAZINFORM — Qujatqa qol qoıý saltanaty 26 qyrkúıek kúni Nıý-Iorktegi BUU Bas Assambleıasynyń 80-shi sessııasy aıasynda ótti, dep habarlaıdy Kazinform agenttiginiń menshikti tilshisi.

Halyqaralyq ıadrolyq qarýdy jalpy joıý kúnine arnalǵan joǵary deńgeıli plenarlyq otyrysta sóılegen sózinde Qyrǵyzstan Syrtqy ister mınıstri Jeenbek Kýlýbaev ıadrolyq qarýsyzdaný jáne taratpaý memlekettiń syrtqy saıasatynyń mańyzdy baǵyty ekenin atap ótti.

— Qyrǵyzstan ıAdrolyq qarýǵa tyıym salý týraly shartqa qol qoıǵan memleketter tizimine qosyldy jáne bul qadam eldiń halyqaralyq qaýipsizdikti nyǵaıtý jáne taratpaý jónindegi mindettemesiniń jalǵasy, — dedi dıplomat.

Ortalyq Azııanyń jahandyq qaýipsizdikti nyǵaıtýǵa qosqan úlesin erekshe atap ótken Jeenbek Kýlýbaev Qyrǵyz Respýblıkasy Ortalyq Azııadaǵy ıadrolyq qarýdan azat aımaq týraly sharttyń depozıtarııi jáne jyl saıyn 5 naýryzda atap ótiletin Qarýsyzdaný jáne taratpaý jónindegi halyqaralyq aqparat kúnin ótkizýdiń bastamashysy ekenin alǵa tartty.

Buǵan deıin Qazaqstan Prezıdenti Qasym-Jomart Toqaev Birikken Ulttar Uıymy Bas Assambleıasynyń 80-sessııasynyń jalpy debatynda sóılegen sózinde BUU Qaýipsizdik keńesin reformalaý jáne orta derjavalardyń rólin kúsheıtýge shaqyrǵany habarlanǵan bolatyn.