Qyrǵyzstan VI Dúnıejúzilik kóshpendiler oıyndarynyń beınerolıgin jarııalady
BІShKEK. KAZINFORM – VI Dúnıejúzilik kóshpendiler oıyndary Qyrǵyzstanda 31 tamyz ben 6 qyrkúıek aralyǵynda ótedi, oǵan 90 elden qatysýshylar jınalady, dep habarlaıdy Kazinform agenttiginiń Bishkektegi menshikti tilshisi.
2026 jylǵy Dúnıejúzilik kóshpendiler oıyndarynyń resmı promo-rolıgi jarııalandy.
Onda ár ulttyń óz tarıhy, ár mádenıettiń óz daýysy bar ekeni atap ótilgen. Árbir dástúr bolashaq urpaqqa berilgenshe ómir súredi. Dúnıejúzilik kóshpendiler oıyndary adamdardy sport, mádenıet jáne mura arqyly biriktiredi.
— Ún estiletin jer. Ǵasyrlar men urpaqtar arqyly. Taýlar, dalalar men joldar arqyly. Halyqtar tarıhy men olardyń murasy arqyly. Dúnıejúzilik kóshpendiler oıyndary Qyrǵyzstanǵa oralyp jatyr, — delingen beınejazbada.
Buǵan deıin 60-tan astam el VI Dúnıejúzilik kóshpendiler oıyndaryna qatysatynyn rastaǵany habarlanǵan bolatyn.
Sondaı-aq, biz 2026 jylǵy Dúnıejúzilik kóshpendiler oıyndarynyń talısmany retinde qar barysy tańdalǵanyn habarladyq.
Qyrǵyzstan VI Dúnıejúzilik kóshpendiler oıyndaryna daıyndyqty kúsheıtti.
Qyrǵyzstan Respýblıkasynyń Dene shynyqtyrý jáne sport jónindegi memlekettik agenttiginiń málimeti boıynsha, VI Dúnıejúzilik kóshpendiler oıyndarynda kókpar jarystary jeke sport túri retinde ótkiziledi.
