Qyrǵyzstan ýnıversıtetterinde JI-ge qatysty mamandyqtar paıda bolady
BІShKEK. KAZINFORM — Qyrǵyzstanda joǵary kásibı bilim berý baǵyttary men mamandyqtarynyń tizimin jańartý usynyldy, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Respýblıkasy mınıstrler kabınetiniń tıisti qaýly jobasy qoǵamdyq talqylaýǵa usynyldy.
Elde 2011 jyly bekitilgen joǵary kásibı bilim berý baǵyttary men mamandyqtarynyń tizimderin túgendeý júrgizildi, onyń qorytyndysy boıynsha olardyń sany aıtarlyqtaı qysqardy: bakalavrıat boıynsha 159-dan 131-ge deıin, magıstratýra boıynsha 163-ten 134-ke deıin jáne mamandandyrý boıynsha — 55-ten 40-qa deıin. Injenerlik jáne tehnıkalyq mamandardy daıarlaýǵa arnalǵan baǵyttar men mamandyqtar biriktirilip, qaıtalaný joıyldy.
Tizimderge jańa tehnologııalardy qoldaný, tsıfrlandyrý, jasandy ıntellekt, úlken derekter, kıberqaýipsizdik jáne blokcheın tehnologııalaryna qatysty suranysqa ıe jańa mamandandyqtar qosyldy.
Biriktirilgen baǵyttar men mamandyqtar ýnıversıtetterge qajet bolǵan jaǵdaıda jáne jumys berýshilerdiń ótinishi boıynsha negizgi tizimge ózgeris engizbesten jańa oqý profılderin tez ashýǵa múmkindik beredi.
Osyǵan deıin Qyrǵyzstanda joǵary jáne orta kásiptik bilim berý mekemeleriniń túlekterin qorytyndy memlekettik attestattaý erejelerin ózgertý usynylǵanyn habarladyq.
Sondaı-aq 2027 jyly Qyrǵyzstanda stýdentterdi rotatsııalaý júıesi engiziletinin jazdyq.
