Qyrǵyzstan Ulttyq banki nomınaly 5000 som jańa banknotyn aınalymǵa shyǵardy
ASTANA. KAZINFORM – Qyrǵyzstanda 2024 jyldyń 10 mamyrynan bastap 2023 jylǵy úlgidegi ulttyq valıýtanyń jańa besinshi serııasynyń nomınaly 5 myń som bolatyn banknot aınalymǵa shyǵaryldy.
Qyrǵyzstan Respýblıkasy Ulttyq bankiniń málimetinshe, 2023 jylǵy úlgidegi bes myńynshy banknottyń bet jaǵynda qyrǵyzdyń kórnekti akteri jáne sýretshisi S.Chokmorovtyń portreti jáne syrt jaǵynda «Ala-Too» kınoteatrynyń ǵımaraty saqtalǵan.
Banknottyń negizgi túsi men ólshemi de ózgerissiz qaldy. Nomınaly 5 000 somdyq banknot jalǵan aqsha jasaýdan senimdi qorǵaýdy qamtamasyz etetin zamanaýı qaýipsizdik elementteriniń úsh deńgeıli keshenin qamtıdy.
Eske sala ketsek, 10 mamyrda Qyrǵyzstanda bank qyzmetkeri kúni atap ótiledi. Búgin el egemendiginiń ajyramas sımvolyna aınalǵan tól ulttyq valıýtasy – qyrǵyz somynyń aınalymǵa engizilgenine 31 jyl tolyp otyr.
