Qyrǵyzstan Ulttyq banki negizgi paıyzdyq mólsherlemeni 10%-ǵa deıin kóterdi

BІShKEK. KAZINFORM – Qyrǵyzstan Respýblıkasynyń Ulttyq banki negizgi paıyzdyq mólsherlemeni 75 bazıstik pýnktke kóterip, 10%-ǵa jetkizdi. Sheshim 2025 jyldyń 28 qazanynda kúshine enedi, dep habarlaıdy Kazinform menshikti tilshisi.

Retteýshiniń málimetinshe, eldegi ınflıatsııa 2025 jyldyń basynan beri 6,2%-dy qurap, jyldyq mánde 8,4%-ǵa jetti. Aǵymdaǵy ınflıatsııa deńgeıine syrtqy naryqtardaǵy energııamen jabdyqtaýdyń shekteýliligi jáne qyzmet kórsetý sektorynyń keıbir segmentterindegi baǵanyń ósýi, sondaı-aq tutynýshylyq suranystyń joǵary bolýy áser etip otyrǵany atap ótildi.

Elde tutynýshylyq jáne ınvestıtsııalyq belsendilik artty, bıylǵy toǵyz aıda naqty JІÓ 10%-ǵa ósti. Qyrǵyz Respýblıkasy ekonomıkasynda negizgi kapıtalǵa ınvestıtsııalar ishki qarjylandyrý kózderiniń keńeıýine baılanysty artty. Іshki suranystyń artýynyń negizgi qozǵaýshy kúshteri – turǵyndar tabysynyń jáne elge aqsha aýdarymdary aǵynynyń artýy bolyp qalyp otyr.

2025 jyldyń qańtar–tamyz aılarynda Qyrǵyzstanda shaǵyn kásiporyndardy esepke almaǵanda, bir qyzmetkerdiń ortasha aılyq nomınaldy jalaqysy 42 648 somdy qurady, bul 2024 jyldyń sáıkes kezeńimen salystyrǵanda 19,6% kóp.