Qyrǵyzstan Ulttyq banki negizgi mólsherlemeni 12%-ǵa deıin kóterdi
BІShKEK. KAZINFORM — Negizgi mólsherlemeni 100 bazıstik pýnktke — 12%-ǵa deıin kóterý týraly sheshim 2026 jyldyń 24 aqpanynda kúshine endi, dep habarlaıdy Kazinform agenttiginiń Bishkektegi menshikti tilshisi.
Retteýshiniń málimetinshe, syrtqy ekonomıkalyq orta áli de birtekti emes. Álemdik azyq-túlik naryqtarynda taýarlardyń negizgi túrleri baǵasynyń ósýi birtindep baıaýlap keledi.
Bul rette Qyrǵyzstannyń negizgi saýda seriktesteri elderindegi ınflıatsııa joǵary deńgeıde qalyp otyr. Halyqtyń tutyný sebetiniń aıtarlyqtaı úlesi ishki baǵalarǵa áser etetin ımportqa tıesili.
Inflıatsııa 13 aqpandaǵy jaǵdaı boıynsha 2026 jyldyń basynan beri 1,8%-dy, al ótken jylmen salystyrǵanda 9,6% boldy. Azyq-túlik baǵalarynyń ósýi keıbir taýarlar baǵasynyń turaqtanýyna baılanysty baıaýlady. Bul rette qyzmetter men azyq-túlik emes taýarlarynyń baǵalary qymbattap keledi.
Eske sala ketsek, Qyrǵyzstan Ulttyq banki 2025 jyldyń qarashasynda eseptik mólsherlemeni 11%-ǵa deıin kóterdi.
