Qyrǵyzstan Ulttyq banki negizgi mólsherlemeni 11% deńgeıinde saqtap qaldy
BІShKEK. KAZINFORM — Negizgi mólsherlemeni 11% deńgeıinde saqtaý týraly sheshim 2026 jyldyń 27 qańtarynda kúshine endi, dep habarlaıdy Kazinform menshikti tilshisi.
Qyrǵyzstan Respýblıkasy Ulttyq bankiniń málimetinshe, el ekonomıkasy ósimniń joǵary qarqynyn saqtap otyr, bul negizinen qurylys jáne qyzmet kórsetý salalarynyń arqasynda júzege asyryldy. Negizgi kapıtalǵa ınvestıtsııalardyń ósýi aıasynda ınvestıtsııalyq belsendilik joǵary deńgeıde qalyp otyr. Tutynýshylyq suranys turǵyndardyń naqty tabysynyń ósýi, taza aqsha aǵyny jáne belsendi tutynýshylyq nesıelendirýmen qamtamasyz etilip otyr.
Jyldyq ınflıatsııa 9,4%-dy qurady. Retteýshiniń orta merzimdi perspektıvadaǵy aqsha-nesıe saıasatynyń negizgi basymdyǵy ınflıatsııanyń 5-7%-ǵa deıin oralýyn qamtamasyz etý bolyp qalyp otyr.
Buǵan deıin Qyrǵyzstanda 2025 jyly JІÓ naqty ósim qarqyny 11%-dan asqanyn jazǵan bolatynbyz.
Eske sala ketsek, 2025 jyldyń qarashasynda Qyrǵyzstan Respýblıkasynyń Ulttyq banki negizgi mólsherlemeni 100 bazıstik pýnktke, 11%-ǵa deıin kóterdi.
Sondaı-aq Qyrǵyzstan Ulttyq banki myń tonnaǵa deıin altyn saqtaı alatynyn jazdyq.