Qyrǵyzstan ulttyq agregator taksı qyzmetin iske qospaqshy
ASTANA.KAZINFORM - Qyrǵyzstan ulttyq taksı agregatoryn, zamanaýı elektromobılder parkin jáne búkil el boıynsha zarıadtaý stantsııalary jelisin qurýdy josparlap otyr, dep habarlady Qyrǵyzstannyń Ekonomıka jáne saýda mınıstrligi.
Qyrǵyzstan Respýblıkasynyń Ulttyq ınvestıtsııalyq qory men qytaılyq Shenzhen Wuyou Technology Co. kompanııasy úsh negizdemelik kelisimge qol qoıdy. Olar tehnıkalyq parametrlerdi odan ári damytý jáne jobalardy is júzinde iske qosý úshin sońǵy ınvestıtsııalyq kelisimsharttardy daıyndaýdy kózdeıdi.
Bastama jasyl ekonomıka men elektr kóligin damytýǵa, zamanaýı tehnologııalardy engizýge, otandyq kólik salasyn tsıfrlandyrýǵa jáne sheteldik ınvestıtsııalardy tartýǵa baǵyttalǵan.
Buǵan deıin Qyrǵyzstan jol qaýipsizdigin jaqsartý úshin jolaýshylar taksıine mindetti lıtsenzııalaýdy engizgeni habarlanǵan bolatyn.
Birneshe ret keıinge qaldyrylǵannan keıin elde lıtsenzııasyz taksı júrgizgeni úshin qatań aıyppuldar 2026 jyldyń 1 shildesinde kúshine enedi.
Kúndelikti taksımen júrý kezinde júrgizýshiler men jolaýshylar arasynda jıi daý-damaı týyndaıdy. Kólikti hımııalyq tazalaýǵa kim tóleýi kerek? Óz pleılıstińizdi qosýǵa quqyǵyńyz bar ma? Úı janýaryn tasymaldaý máselesi zańmen qalaı retteledi? Jolaýshylar jaıly sapar kútedi, al júrgizýshiler ózderine, kóligine jáne servıs erejelerine qurmetpen qaralǵanyn qalaıdy. Kazinform agenttigi eń jıi kezdesetin janjaldardy taldap, jolaýshynyń tilegi qaı jerde aıaqtalatynyn jáne júrgizýshiniń zańdy múddesi qaı jerden bastalatynyn túsindirdi.
