Qyrǵyzstan úkimetiniń jańa basshysy taǵaıyndaldy
BІShKEK. KAZINFORM – Qyrǵyzstanda mınıstrler kabınetiniń jańa tóraǵasy jáne prezıdent ákimshiliginiń basshysy bolyp Adylbek Qasymalıev taǵaıyndaldy, dep habarlaıdy Kazinform menshikti tilshisi.
18 jeltoqsanda Jogorký Kenesh depýtattary Adylbek Qasymalıevti úkimet basshysy qyzmetine, Danııar Amangeldıevti Mınıstrler kabıneti tóraǵasynyń birinshi orynbasary qyzmetine jáne Baqyt Sydyqovty Ekonomıka jáne saýda mınıstri qyzmetine taǵaıyndaýǵa kelisti. Olardy taǵaıyndaý týraly tıisti jarlyqtarǵa Qyrǵyz Respýblıkasy memleket basshysy qol qoıdy.
Eske sala ketsek, 16 jeltoqsanda Mınıstrler kabınetiniń tóraǵasy – Prezıdent Ákimshiliginiń basshysy Aqylbek Japarov otstavkaǵa ketti.
Qyrǵyzstan basshylyǵynyń sheshimi týraly Qyrǵyz Respýblıkasy Mınıstrler kabıneti tóraǵasynyń orynbasary Edıl Baısalov Facebook-tegi paraqshasynda jazdy.