Qyrǵyzstan turmystyq zorlyq-zombylyqpen kúresti kúsheıtti

BІShKEK. KAZINFORM – Qyrǵyzstan prezıdenti Sadyr Japarov turmystyq zorlyq-zombylyqqa baılanysty qylmystar úshin jazany qatańdatatyn zańǵa qol qoıdy, dep habarlaıdy Kazinform agenttiginiń menshikti tilshisi. 

Jogorký Kenesh zańdy 2025 jylǵy 11 qyrkúıekte qabyldady.

Quqyqbuzýshylyq týraly kodekske jáne «Turmystyq zorlyq-zombylyqtan saqtaý jáne qorǵaý týraly» Zańǵa túzetýler kelesi ózgerister usynylǵan:

* qamaýǵa alý merzimi 7 kúnnen 14 táýlikke deıin uzartyldy; 

* 3 aıǵa deıingi merzimge sot belgilegen turmystyq zorlyq-zombylyqqa baılanysty quqyq buzýshylyqtar úshin elektrondyq baqylaýǵa tyıym salý jáne (nemese) shekteýler engizilgen;

* «Turmystyq zorlyq-zombylyq» 70-baby «qýdalaý» uǵymymen tolyqtyrylady; 

* Turmystyq zorlyq-zombylyqpen baılanysty quqyq buzýshylyq jasaǵan adamnyń túzeý baǵdarlamasyn nemese elektrondyq baqylaý arqyly belgilengen tyıym salýlardy jáne (nemese) shekteýlerdi saqtamaýy 7 kúnnen 14 táýlikke deıingi merzimge qamaýǵa alýmen jazalanady;

* Іshki ister organdaryna turmystyq zorlyq-zombylyq týraly árbir habarlama úshin táýekeldi baǵalaýdy júrgizý ókilettigi beriledi. 

Buǵan deıin Qyrǵyz Respýblıkasynyń Prezıdent ákimshiligi áıelder men balalarǵa zorlyq-zombylyq jasap, óltirgenderge qatysty ólim jazasyn engizýdi kózdeıtin Konstıtýtsııaǵa túzetýler engizý týraly bastama kóterdi.