Qyrǵyzstan Túrki ınvestıtsııalyq qoryn bekitý týraly kelisimdi ratıfıkatsııalady
Qyrǵyzstan prezıdenti Sadyr Japarov «2023 jylǵy 16 naýryzda Ankara qalasynda qol qoıylǵan Túrki ınvestıtsııalyq qoryn bekitý kelisimin ratıfıkatsııalaý týraly» QR Zańyna qol qoıdy. Kazinform bul týraly Kabarǵa silteme jasap habarlaıdy.
Zańdy Jogorký Kenesh 2023 jylǵy 6 jeltoqsanda qabyldady.
Zańnyń maqsaty – Túrki memleketteri uıymyna (TMU) múshe elderdiń ekonomıkalyq damýyna óńirishilik saýdany ulǵaıtyp, ekonomıkalyq qyzmetine qoldaý kórsetý arqyly kómektesý.
2023 jylǵy 16 naýryzda Ankara qalasynda qol qoıylǵan Túrki ınvestıtsııalyq qoryn bekitý týraly kelisimde Túrki memleketteri uıymynyń jarǵylyq kapıtaly 500 mln AQSh dollary bolatyn Túrki ınvestıtsııalyq qoryn qurýy qarastyrylǵan.
Qor TMU elderinde mańyzdy jobalardy jeńildete qarjylandyrý úshin resýrstyq baza jınaıdy.
