Qyrǵyzstan Tájikstanmen shekarasyn qorshaýǵa kiristi
ASTANA. KAZINFORM — Qyrǵyzstan men Tájikstan shekarasyn ajyratý týraly kelisimnen keıin daýly aýmaqta tikenek sym ornatý bastaldy, dep habarlaıdy Anadoly.
Batken oblysynyń baspasóz qyzmetiniń málimetinshe 13 naýryzda Bishkekte Qyrǵyzstan men Tájikstan arasyndaǵy shekarany ajyratý jónindegi kelisimge qol qoıylǵannan keıin qyrǵyz tarapy shekaranyń daýly bóliginde tikenek sym ornatý jumystaryn bastady.
Resmı málimetke sáıkes, jumystar Aq-Saı aýylynda ornalasqan Qojo-Qaary asýynda, sondaı-aq Leılek aýdanyndaǵy Katta-Tuz aýmaǵynda júrgizilip jatyr.
Habarlamada atap ótilgendeı, jalpy uzyndyǵy 74 shaqyrym or qazylyp, 68 shaqyrym temir qubyr tóselgen, sondaı-aq 62 shaqyrymda kabel júrgizilgen. Jergilikti halyq bul sharalardy oń qabyldady. Elder arasyndaǵy shekarany belgileý aıasynda qorshaýlar ornatý jumystary jalǵasady.
Buǵan deıin 13 naýryzda Bishkekte qol qoıylǵan kelisim 1006 shaqyrymdyq shekara bóligin qamtyǵan bolatyn, onyń ishinde 486 shaqyrym daýly aýmaq boıynsha másele sheshilgen.
Aıta ketelik Qyrǵyzstan eńbek mıgranttaryn elge qaıtarmaq.