Qyrǵyzstan Tájikstan jáne Ózbekstanmen shekaranyń túıisýi týraly shartty ratıfıkatsııalady
ASTANA. KAZINFORM – QR Prezıdenti Sadyr Japarov «Qyrǵyzstan, Tájikstan jáne Ózbekstan arasyndaǵy 2025 jylǵy 31 naýryzda Hýdjand qalasynda qol qoıylǵan úsh memlekettiń memlekettik shekaralarynyń túıisý núktesi týraly shartty ratıfıkatsııalaý týraly» zańǵa qol qoıdy, dep habarlaıdy Kabar.
Zańdy QR Jogorký Kenesh 2025 jylǵy 25 maýsymda qabyldady.
Zańnyń maqsaty «QR halyqaralyq sharttary týraly» jáne «QR Jogorký Kenesh reglamenti týraly» QR zańdaryna sáıkes memleketishilik rásimderdi oryndaý bolyp sanalady.
Osylaısha, zańmen 2025 jylǵy 31 naýryzda Hýdjand qalasynda qol qoıylǵan úsh memlekettiń memlekettik shekaralarynyń túıisý núktesi týraly Qyrǵyz Respýblıkasy, Tájikstan Respýblıkasy jáne Ózbekstan Respýblıkasy arasyndaǵy shartty ratıfıkatsııalaý usynylady.
31 naýryzda Tájikstan, Qyrǵyzstan jáne Ózbekstan prezıdentteri Emomalı Rahmon, Sadyr Japarov jáne Shavkat Mırzıeev Hýdjandta (Tájikstan) ótken kezdesýde memlekettik shekaralardyń túıisý núktesi týraly shartqa qol qoıdy.
Shekaralardyń túıisken jeri Ferǵana alqabynda ornalasqan jáne Soǵdy (Tájikstan), Ferǵana (Ózbekstan) jáne Batken oblystaryn (Qyrǵyzstan) baılanystyrady.
Aıta keteıik, Qyrǵyzstan prezıdenti Sadyr Japarov Bishkekte ótken ІІІ halyqtyq quryltaıda sóılegen sózinde halyqty sý resýrstaryn tıimdi paıdalanýǵa shaqyrdy.