Qyrǵyzstan, Tájikstan men Ózbekstan shekarasynyń túısetin núktesi jónindegi kelisim ratıfıkatsııalandy

ASTANA. KAZINFORM – Qyrǵyz Respýblıkasynyń Prezıdenti Sadyr Japarov «2025 jyldyń 31 naýryzynda Hýdjandta qol qoıylǵan Qyrǵyz Respýblıkasy, Tájikstan Respýblıkasy jáne Ózbekstan Respýblıkasy arasyndaǵy úsh memlekettiń shekaralarynyń túıisetin jeri týraly» Qyrǵyz Respýblıkasynyń zańyna qol qoıdy.

Bul týraly Qyrǵyz Respýblıkasy prezıdentiniń resmı saıtynan málim boldy.

Zańdy Qyrǵyz Respýblıkasynyń Jogorký Keneshi 2025 jyldyń 25 maýsymynda qabyldady.

Zańnyń maqsaty – Qyrǵyz Respýblıkasynyń «Qyrǵyz Respýblıkasynyń halyqaralyq kelisimder týraly» jáne «Qyrǵyz Respýblıkasynyń Jogorký Keneshiniń reglamenti týraly» zańdaryna sáıkes, memleketishilik protsedýralardy oryndaý bolyp tabylady.

Zań Qyrǵyz Respýblıkasy men Tájikstannyń jáne Ózbekstannyń 2025 jyldyń 31 naýryzynda Hýdjandta qol qoıylǵan úsh memlekettiń shekarasynyń túıisetin jeri týraly kelisimdi ratıfıkatsııalaýdy usynady.

Osyǵan deıin qyrǵyzstandyq áýe kompanııasynyń Qazaqstanǵa tikeleı reısterdi iske qosatyny týraly habarladyq.