Qyrǵyzstan spýtnıktik ınternetti paıdalaný boıynsha pılottyq jobany iske qosty
BІShKEK. KAZINFORM — Qyrǵyzstanda alǵash ret geostatsıonarlyq emes spýtnıktik júıeler arqyly ınternetke qol jetkizý tehnologııasyn qoldanatyn bolady, dep habarlaıdy Kazinform menshikti tilshisi.
El prezıdenti tıisti jarlyqqa Qyrǵyzstannyń tsıfrlyq damýyn jedeldetý, tsıfrlyq teńsizdikti joıý jáne ınternetke qosylýdyń dástúrli ádisteri qıyn nemese múmkin emes eldiń jetýi qıyn jáne shalǵaı aımaqtarynyń turǵyndary úshin ınnovatsııalyq telekommýnıkatsııalyq tehnologııalardy engizý úshin qolaıly jaǵdaı jasaý maqsatynda qol qoıdy.
Joba bir jyl ishinde júzege asyrylatyn bolady, bastalýy 2025 jyldyń 6 qazanyna josparlanǵan. Pılottyq jobaǵa jarlyqta kózdelgen sharttar men mindetterdi oryndaıtyn spýtnıktik ınternet qyzmetterin usynatyn barlyq halyqaralyq operatorlar qatysa alady. Bul salaýatty básekelestik ortany qalyptastyryp, ártúrli tehnologııalyq sheshimderdi synaqtan ótkizýge, tehnıkalyq jáne quqyqtyq kedergilerdi anyqtaýǵa jáne bolashaqta retteý men eldegi spýtnıktik júıelerdi aýqymdy engizýge negiz qalaýǵa múmkindik beredi.
Testileý aıaqtalǵannan keıin tıisti memlekettik organdar respýblıkada spýtnıktik ınternetti odan ári damytý boıynsha qorytyndylar men usynystardy baǵalaı otyryp, egjeı-tegjeıli esep daıyndaıdy.
Buǵan deıin Qazaqstanda Amazon spýtnıktik ınterneti paıda bolatynyn habarlaǵan edik.