Qyrǵyzstan syrtqy qaryzyn 2035 jylǵa deıin tolyq óteýdi kózdep otyr

BІShKEK. KAZINFORM – Qyrǵyzstan aldaǵy 11 jylda syrtqy qaryzyn tolyq óteýge nıetti. Bul týraly el prezıdenti Sadır Japarov «Kabar» agenttigine bergen suhbatynda málimdedi.

«2035 jylǵa qaraı biz búginge deıin qordalanǵan 5 mıllıard dollar kólemindegi syrtqy qaryzymyzdy óteıtin bolamyz. Ekonomıkamyz jaqsardy. Elde tynyshtyq pen turaqtylyq bolsa, biz ony ońaı tóleı alamyz», - dedi Memleket basshysy.

Sonymen birge Japarov Qyrǵyzstan keleshegi zor jobalarǵa, sonyń ishinde quny 5-6 mıllıard dollar turatyn Qambar-Ata 1 GES qurylysyna jańa sheteldik nesıelerden bas tartýdy josparlap otyrǵan joq dep málimdedi.

«Bolashaqta qansha nesıe alsaq ta, árbir joba ózin-ózi aqtaıdy. Respýblıka bıýdjeti men halyqtyń qaltasyna aýyrtpalyq túspeıdi», – dedi Prezıdent.