Qyrǵyzstan ShYU-nyń 25 jyldyǵyna arnalǵan kúmis monetany aınalymǵa engizdi
ASTANA. KAZINFORM — Qyrǵyzstan Ulttyq banki 2026 jylǵy 11 mamyrdan bastap «Shanhaı yntymaqtastyq uıymy – 25 jyl» atty kúmis kollektsııalyq monetany aınalymǵa shyǵardy, dep habarlaıdy Kazinform agenttiginiń Bishkektegi menshikti tilshisi.
Banktiń derekteri boıynsha, monetanyń aversinde Shanhaı yntymaqtastyq uıymynyń resmı emblemasy men uıymǵa múshe memleketterdiń týy beınelengen. Monetanyń revers jaǵynda ShYU-ǵa qatysýshy memleketterdiń geografııalyq kartasynyń fonynda Qyrǵyz Respýblıkasynyń gerbi men «25» tsıfry kórsetilgen.
Monetalar 925 synamaly kúmisten jasalǵan, salmaǵy 28,28 g, dıametri 38,61 mm, sapasy «proof» deńgeıinde. Ár monetanyń nomınaly – 10 som, jalpy tırajy – 550 dana. Monetany Ulttyq banktiń kassalarynan 15 350 som baǵasymen satyp alýǵa bolady.
Kollektsııalyq moneta Qyrǵyz Respýblıkasynyń aýmaǵynda resmı tólem quraly mártebesine ıe.
Eske sala ketsek, buǵan deıin Qazaqstanda 2026 jylǵy FIFA Álem chempıonatyna arnalǵan kollektsııalyq monetalar shyǵarylatyny habarlanǵan edi.
