Qyrǵyzstan sheteldikterge arnalǵan medıtsınalyq saqtandyrý polısiniń qunyn arzandatty

ASTANA. KAZINFORM – Qyrǵyzstanda 2024 jyldyń 1 aqpanynan bastap mindetti medıtsınalyq saqtandyrý polısiniń (MMS) quny ózgeredi. Tıisti buıryqty Qyrǵyzstan Respýblıkasynyń Densaýlyq saqtaý mınıstrligi bekitti.

Túzetýlerge sáıkes, qyrǵyzstandyqtar, olardyń otbasy músheleri, sondaı-aq Eýrazııalyq ekonomıkalyq odaqqa múshe memleketterdiń elde zańdy túrde júrgen jáne jumys isteıtin jumysshylary, Qyrǵyzstan Respýblıkasyndaǵy bosqyndar, baspana izdeýshiler jáne kaırylmandar úshin 12 aıǵa mindetti medıtsınalyq saqtandyrý polısiniń baǵasy 1840 som bolady (buryn ol 1722 somdy quraǵan edi – red.).

Joǵaryda atalǵan sanattaǵy tulǵalar úshin polıs baǵasy ótken jylǵy áleýmettik-demografııalyq toptyń eń tómengi kúnkóris deńgeıine negizdelip qalyptastyrylǵan.

Sheteldikter men azamattyǵy joq adamdar úshin alty aıǵa MMS quny 5955 som (burynǵy quny – 8196 som – red.), bir jylǵa – 11910 som (buryn 16391 som – red.) bolady. Qyrǵyzstanda bilim alyp júrgen sheteldik stýdentter úshin 12 aıdyń quny 11 910 somdy quraıdy.

Joǵaryda atalǵan sanattaǵy tulǵalardyń quny ótken jylǵy shetel azamattarynyń ortasha aılyq jalaqysyna negizdeledi.