Qyrǵyzstan sheteldikterdiń elde turýyna ruqsat alý protsesin jeńildetýdi usynady
ASTANA. KAZINFORM — Qyrǵyzstannyń Syrtqy kóshi-qon týraly zańyna bıýrokratııalyq kedergilerdi joıýǵa jáne sheteldikterdiń turýǵa ruqsat alý merzimin qysqartýǵa baǵyttalǵan túzetýler usynyldy, dep habarlaıdy Kazinform agenttiginiń Bishkektegi tilshisi.
Tıisti zań jobasy qoǵamdyq talqylaýǵa usynyldy.
Túzetýlerge sáıkes, elde turaqty turýǵa ruqsat alý úshin ótinish bergen kezde ımmıgrant mártebesin alý talaby, sondaı-aq ótinish berýshiniń Qyrǵyzstanda keminde alty aı turý talaby alynyp tastalady. Sonymen qatar, eger sheteldik azamat nemese azamattyǵy joq adam ýákiletti memlekettik organǵa habarlamaı, Qyrǵyzstan Respýblıkasynan tys jerde bir jyldan astam ýaqyt qalsa, turýǵa ruqsatyn qaıtaryp alýdyń jańa negizi engiziledi.
Turýǵa ruqsatty óńdeý «bir tereze» júıesine aýystyrylady.
Turýǵa ruqsat elge ýaqytsha nemese turaqty turýǵa kelgen jáne zańdy tabysy nemese qarjylyq tólem qabilettiligi rastalǵan sheteldikterge nemese azamattyǵy joq adamdarǵa kelesi jaǵdaılarda berilýi múmkin:
* ýaqytsha turý;
* jumyspen qamtý;
* bilim berý mekemelerinde oqý;
* ınvestıtsııalardy yntalandyrý jónindegi ýákiletti memlekettik organ bergen ótinish negizindegi ınvestıtsııalyq qyzmet;
* TMD elderinen jeke maqsattarmen vızasyz kirý jáne sheteldik azamattardyń Qyrǵyz Respýblıkasynda turýy (tizimdi Mınıstrler Kabınetinde belgileıdi);
* otbasyn biriktirý;
* Qyrǵyz Respýblıkasynda turaqty turý
* azamattyǵy joq adamdardyń turýy.
Buǵan deıin Qyrǵyzstanda bilim berý salasy qyzmetkerlerin marapattaý júıesi jańartylatynyn habarlaǵan edik.
