Qyrǵyzstan sheteldik nómirleri bar kólikterdi zańdastyrýǵa shaqyrady
ASTANA. KAZINFORM – Qyrǵyzstan Respýblıkasy Mınıstrler Kabınetiniń janyndaǵy Kólik quraldaryn jáne júrgizýshi personalyn tirkeý jónindegi memlekettik agenttik tirkelmegen avtokólikterdiń ıelerin zańdastyrý rásimin keshiktirmeýge jáne barlyq qajetti qujatty daıyndaý úshin tıisti bólimderge aldyn ala habarlasýǵa shaqyrady, dep habarlaıdy Kazinform tilshisi.
Vedomstvonyń málimetinshe, 2025 jyldyń 1 sáýirinen bastap elimizde sheteldik nómirli kólikterdi zańdastyrý boıynsha aýqymdy naýqan júrgizilip jatyr.
Qyrǵyz Respýblıkasynyń aýmaǵyna 2024 jylǵy 31 jeltoqsanǵa deıin ákelingen, shet memleketterdiń memlekettik tirkeý nómirleri bar, quqyq belgileıtin qujattary joq jáne kedendik resimdeýden ótpegen barlyq kólik quraly zańdastyrýǵa jatady.
Zańdastyrylǵan kólik quraldaryna belgili bir aımaqtyń memlekettik nómirleri beriledi. Mundaı kólikter Qyrǵyz Respýblıkasynan tysqary jerlerge ıelikten aıyrýǵa nemese áketýge jatpaıdy, sondaı-aq olardy taksı retinde paıdalanýǵa tyıym salynady.
Eske sala keteıik, buǵan deıin Qyrǵyzstanda BAQ týraly jańa zańǵa qol qoıylǵanyn habarlaǵan edik.