Qyrǵyzstan shekarasy arqyly 100 tasbaqany zańsyz alyp ótpek bolǵan
ASTANA. KAZINFORM – «Dostyq» baqylaý-ótkizý pýnktinde qyrǵyz-ózbek shekarasynda shekarashylar akvarıýmdyq tasbaqalardyń iri partııasyn zańsyz alyp ótpek bolǵan áreketti toqtatty, dep habarlaıdy Kazinform agenttiginiń menshikti tilshisi.
Qyrǵyzstan Ulttyq qaýipsizdik komıtetiniń shekara qyzmetiniń málimetine sáıkes, pasporttyq baqylaýdan ótý kezinde 34 jastaǵy qyrǵyzstandyq rıýkzagynda polıetılen paketterge oralǵan 100 tiri akvarıýmdyq tasbaqany alyp ótpek bolǵan. Atalǵan azamattyń janýarlardy shekaradan ótkizýge arnalǵan ruqsat qujattary bolmaǵan.
Onyń aıtýynsha, tasbaqalardy belgisiz bir adamnan alyp, Qyrǵyzstannan Ózbekstanǵa ótkizýge tapsyrma alǵan.
Quqyq buzýshy men tárkilengen tasbaqalar tıisti organdarǵa berilip, ári qaraı tergeý men shara qabyldaý úshin tapsyryldy.
Buǵan deıin habarlanǵandaı, elde ekzotıkalyq jemisterdiń kontrabandasy úshin salyq qyzmeti men kólik mınıstrliginiń laýazymdy tulǵalary ustalǵan bolatyn. Bıyl qańtar aıynda Qyrǵyzstan arqyly AQSh-tan Reseıge qarý kontrabandasyn jetkizý arnasy anyqtalǵan edi.
Aıta ketelik Qyrǵyzstan Ózbekstanmen baılanystyratyn jańa joldar salýdy josparlap otyr.