Qyrǵyzstan saılaý kezinde onlaın daýys berý júıesin engizbekshi
ASTANA. KAZINFORM — Qyrǵyzstan prezıdenti Sadyr Japarov bul týraly halyqaralyq baqylaýshylarmen kezdesý kezinde málimdedi, dep habarlaıdy Kabar agenttigi.
El prezıdentiniń aıtýynsha, kelesi parlament saılaýyna onlaın daýys berý júıesin engizý josparlanǵan. Aıtýynsha, bul shara saılaýshylardyń qatysýyn 40%-dan 80%-ǵa deıin arttyrady.
— Buryn partııalyq tizimdegi birden onǵa deıingi oryndar 1 mıllıon dollarǵa deıin satylatyn. Keıbir depýtattar, tipti saılaýshylarmen saılaýaldy kezdesýlerge qatyspaǵan, sebebi olar tizimdegi oryndy satyp alyp, saılaýshy bolǵan. Qazir sybaılas jemqorlyq shemalary joıyldy. Prezıdent saılaýyna onlaın daýys berý júıesin engizýge ýaqyt tapshy bolyp tur. Biraq ony kelesi parlament saılaýyna engizýdi josparlap otyrmyz, — dedi Sadyr Japarov.
Esterińizge sala keteıik, Qyrǵyzstan keshe Joǵarǵy Keńeske (Parlament) kezekten tys saılaý ótkizdi, onyń barysynda jańa qashyqtan daýys berý júıesi keńinen qoldanyldy. Daýys berý protsesi tolyǵymen avtomattandyryldy.
Buǵan deıin biz Qyrǵyzstanda Parlament depýtattarynyń kezekten tys saılaýy aıaqtalǵanyn habarladyq.
Artynsha Qyrǵyzstandaǵy parlament saılaýyna qansha adam qatysqanyn jazdyq.